Bengawan Solo

‪#‎新加坡手信‬

有時候，朋友們到新加坡純粹轉機。短短幾個鐘，不能出閘或者只可在機場內閒逛，有咩買? 其中一間必到的手信舖當然非Bengawan Solo莫屬啦。好多人都知道佢地出品的班蘭蛋糕(Pandan Cake) 好食，上機前必買。但我今日就想介紹另外幾款都受歡迎的，大家可以試下。

1) 千層糕Kueh Lapis

本地人送禮或過年會食。同印尼千層糕一樣，用牛油、糖和蛋黃一層一層做出來，功夫非常多的糕點。千層糕入口充滿牛油同香料的香氣，口感好結實，同清淡鬆軟的班蘭蛋糕非常不同。由於味道濃郁，通常會切成小片，一件起兩件止。可以配茶，減少油膩感。

2) 班蘭芝士蛋卷Pandan Cheese Roll

好似香港的蛋卷，但中間的cream加左芝士碎，適合芝士精。雪櫃攞出來食之前最好攤一陣，等芝士軟化和cream合二為一，即時補充班蘭蛋糕的寡。不願多講，自己買一件試下，喜歡的就是會喜歡。

3) 黃梨撻 Pineapple Tarts

朋友託付帶回香港的手信之一。此與台灣鳳梨酥不同，菠蘿餡是酸酸甜甜的，外層薄而鬆化，不知不覺好容易食多幾件。黃梨撻是新加坡新年必備的茶點，亦有很多人用作送禮。此家的黃梨撻包裝精美，做手信送比親戚同事就岩哂喇。

機場分店營業時間
Terminal 1 (閘外) 7AM-11PM DAILY
Terminal 2 (閘內) 6AM-1AM DAILY
Terminal 3 (閘外) 7AM-12 MIDNIGHT DAILY